கவிதை

     நிகழ்வுகள்

கம்பிச்சக்கர வாகனத்தில்
வசதியற்ற பின்யிருக்கை
ஒற்றை ஸ்தனம்
கோழை போர் வீரனின்
கூர் ஈட்டியாய்
முதுகை பதம் பார்க்கும்

கடைக்கடையாய்
திரிந்து பூட்டிய
வளையல் கோர்த்த வலக்கை
சத்தமின்றி
வயிறை இறுக்கி  நழுவ
வீரியத்தின் கதவு திறக்கும்

தோலில் சாய்ந்து
கழுத்துப்பட்டையை நிரப்பிய
மல்லியின் வாசம்
மறையும் முன்
பிறப்பின் பயன்முடித்தேன்-என
மரணிக்கபிரியப்படும்

சாய்வு மலைகளின் குளிர்ச்சியில்
நீண்ட எல்லை கடக்க
இறுக்கமான தடைகள்
முட்டிக்  கடக்க
விருப்பத்துடன் கை கோர்க்கும்.

கிறுக்கி
தடங்கள் இன்றி மறையும்
மின்னல் கோடாய்
அறிமுகமில்லாதவர்களாக 
முகம் திருப்பி
நிகழ்வுகள் அழிய
வெட்கமில்லாமல் மறைகிறோம்
நீயும் நானும். 


நம்புழுதி